തളിപ്പറമ്പ്:
ഓണം സ്പെഷ്യൽ ഡ്രൈവിന്റെ ഭാഗമായി എക്സൈസ് സംഘം നടത്തിയ റെയ്ഡിൽ എംഡിഎംഎ യും കഞ്ചാവുമായി യുവാവിനെ പിടികൂടി. തളിപ്പറമ്പ് മാർക്കറ്റിന് സമീപത്തെ ആനപ്പൻ ഹൗസിൽ മുഹമ്മദ് മുസാഫിനെ (27)യാണ് റേഞ്ച് അസി. എക്സൈസ് ഇൻസ്പെക്ടർ രാജീവൻ പച്ചകൂട്ടത്തിലിന്റെ നേതൃത്വത്തിൽ അറസ്റ്റു ചെയ്തത്.
റേഞ്ചിന്റെ വിവിധ ഭാഗങ്ങളിൽ പട്രോൾ നടത്തുന്നതിനിടെ തളിപ്പറമ്പ് കോട്ടക്കുന്നിൽ വെച്ചാണ് മൂന്ന്ഗ്രാം കഞ്ചാവും100മില്ലിഗ്രാം എം ഡി എം എ യുമായി യുവാവ് പിടിയിലായത്.പരിശോധനയിൽ
അസി. എക്സൈസ് ഇൻസ്പെക്ടർ രാജേഷ് കെ, പ്രിവൻ്റീവ് ഓഫീസർ ഉല്ലാസ് ജോസ്, സിവിൽ എക്സൈസ് ഓഫീസർ വിജിത്ത് ടി വി, സിവിൽ എക്സൈസ് ഓഫീസർ ഡ്രൈവർ സി.വി. അനിൽകുമാർ എന്നിവരും ഉണ്ടായിരുന്നു
