കണ്ണൂർ: സംസ്ഥാനത്തെ ആറുവരിയും അതില്ക്കൂടുതലും ലൈനുകളുള്ള ദേശീയപാതകളിലാണ് വേഗത കുറക്കാന് നിര്ദേശിച്ചിരിക്കുന്നത്. ഡ്രൈവറെ കൂടാതെ, എട്ട് സീറ്റില് അധികമില്ലാത്ത യാത്രാവാഹനങ്ങളുടെ (എം 1 വിഭാഗം) വേഗപരിധി മണിക്കൂറില് 110 കിലോമീറ്ററില്നിന്ന് 100 കിലോമീറ്ററായി കുറച്ചു.ദേശീയപാതാ അതോറിറ്റി ഓഫ് ഇന്ത്യയുടെ (എന്.എച്ച്.എ.ഐ.) നിര്ദേശപ്രകാരമാണ് പുതിയ നടപടികള്. ഡ്രൈവറെ കൂടാതെ ഒന്പതോ അതില്ക്കൂടുതലോ സീറ്റുകളുള്ള വാഹനങ്ങളുടെ (എം 2, എം 3 വിഭാഗം) വാഹനങ്ങളുടെ വേഗപരിധി മണിക്കൂറില് 95 കിലോമീറ്ററില്നിന്ന് 90 ആയും കുറച്ചിട്ടുണ്ട്. എന്.എച്ച്.എ.ഐ. സംസ്ഥാനത്ത് വികസിപ്പിക്കുന്ന ആറുവരി, നാലുവരി പാതകളുടെ വേഗപരിധി മണിക്കൂറില് 100 കിലോമീറ്ററാണ്. അതുപോലെ പാതയിലേക്കുള്ള പ്രവേശനം പൂര്ണമായും നിയന്ത്രിച്ചിട്ടില്ലെന്നും ദേശീയപാതാ അതോറിറ്റി റീജണല് ഓഫീസര് സര്ക്കാരിനെ അറിയിച്ചു.
