നാറാത്ത്: മല്ലിശ്ശേരി ഊര്‍പ്പഴശ്ശി വേട്ടക്കൊരുമകന്‍ ക്ഷേത്രത്തിലെ പ്രതിഷ്ഠാദിനാഘോഷവും കളിയാട്ടവും പത്ത്, 11 തീയ്യതികളിലായി നടത്തും. പത്തിന് രാവിലെ തന്ത്രി കരുമാരത്തില്ലത്ത് പരമേശ്വരന്‍ നമ്പൂതിരിപ്പാടിന്റെ നേതൃത്വത്തില്‍ വിശേഷാല്‍ പൂജകള്‍, ഉച്ചപൂജ, അത്താഴ പൂജ. രാത്രി ഏഴിന് വെള്ളാട്ടങ്ങള്‍. എട്ടിന് പ്രസാദ സദ്യ. 11-ന് പുലര്‍ച്ചെ നാലിന് ഊര്‍പ്പഴശ്ശി വേട്ടക്കൊരുമകന്‍, ചുകന്നമ്മ ദൈവങ്ങളുടെ പുറപ്പാട്.
പ്രതിഷ്ഠാദിന മഹോത്സവം
മയ്യില്‍: പഴശ്ശി ഏക്കോട്ടില്ല മഹാവിഷ്ണു ക്ഷേത്രത്തിലെ പ്രതിഷ്ഠാദിന മഹോത്സവം 11, 12 തീയ്യതികളിലായി നടത്തും. തന്ത്രി അനന്തന്‍ പുടവര്‍ നമ്പൂതിരിപ്പാടിന്റെ നേതൃത്വത്തിലാണ് ചടങ്ങുകള്‍. 11-ന് വൈകീട്ട് ആറിന് ആചാര്യവരണം, തുടര്‍ന്ന് തിരുവത്താഴ പൂജയും ദീപാരാധനയും. ഏഴിന് കുറ്റിയാട്ടൂര്‍ ശ്രീശങ്കര ഭജന്‍സിന്റെ ഭജന. തുടര്‍ന്ന് ദേശവാസികളുടെ കലാവിരുന്ന് നാട്ടരങ്ങ്. 12-ന് രാവിലെ അഞ്ചിന് വിശേഷാല്‍ പൂജകള്‍. ആറിന് അഷ്ടരദ്രവ്യ ഗണപതി ഹോമം. പത്തിന് ശ്രീഭൂതബലി. 12-ന് പ്രസാദ സദ്യ. വൈകീട്ട് ആറിന് തായമ്പക. ഏഴിന് പഞ്ചവാദ്യത്തോടെ തിടമ്പെഴുന്നള്ളത്ത്. തുടര്‍ന്ന് തിരുനൃത്തം. രാത്രി ഒന്‍പതിന് തിരുവത്താഴ പൂജ.