പോക്സോ കേസിൽ65 കാരൻ അറസ്റ്റിൽ

kpaonlinenews

തളിപ്പറമ്പ: പ്രായപൂർത്തിയാകാത്ത പെൺകുട്ടിയെ വീട്ടിൽ അതിക്രമിച്ച് കയറി പീഡിപ്പിക്കാൻ ശ്രമിച്ച പ്രതി പിടിയിൽ. പരിയാരം കണാരംവയൽ സ്വദേശിയും ഏഴോം നരിക്കോട് തയ്യൽ തൊഴിലാളിയുമായ നാരായണനെ (65)യാണ് തളിപ്പറമ്പ് പോലീസ് അറസ്റ്റു ചെയ്തത്.ഇക്കഴിഞ്ഞ നാലാം തീയതി വ്യാഴാഴ്ച ഉച്ചക്ക് 11.30 മണിയോടെയായിരുന്നു സ്റ്റേഷൻ പരിധിയിലെ പെൺകുട്ടിയെ പ്രതി പീഡിപ്പിച്ചത്.കുട്ടിയുടെ വീട്ടിൽ ആരുമില്ലാത്ത സമയത്ത് അതിക്രമിച്ച് കയറിയ പ്രതി പെൺകുട്ടിയെ പീഡിപ്പിക്കുകയും കുട്ടി നിലവിളിച്ചോടി അകലെയുള്ള ബന്ധുവിനോട് വിവരം പറഞ്ഞ് വീട്ടിലെത്തിയപ്പോൾ ഒളിഞ്ഞിരുന്ന പ്രതി വീണ്ടും വീട്ടിലെത്തി ഇതിനിടെ പുറത്തു പോയ കുട്ടിയുടെ അമ്മ തിരിച്ചെത്തിയതോടെയാണ് പ്രതി കടന്നുകളഞ്ഞത്.തുടർന്ന് ബന്ധുക്കൾ പോലീസിൽ പരാതി നൽകുകയും ചെയ്തു. പെൺകുട്ടിയുടെ മൊഴി രേഖപ്പെടുത്തിയ പോലീസ് പോക്സോ നിയമപ്രകാരം കേസെടുത്ത് പ്രതിയെ അറസ്റ്റുചെയ്യുകയായിരുന്നു.

Share This Article
error: Content is protected !!