പുല്ലൂപ്പി സംഘർഷം ഒളിവിൽ പോയ പ്രതി വയനാട്ടിൽ പിടിയിൽ

kpaonlinenews
By kpaonlinenews 2

മയ്യിൽ:പുല്ലൂപ്പി സംഘർഷത്തിൽ ഒളിവിൽ കഴിയുകയായിരുന്ന പ്രധാന പ്രതിയെ വയനാട്ടിൽ വെച്ച് പോലീസ് സാഹസികമായി പിടികൂടി. പുല്ലൂപ്പി കണ്ണാടിപറമ്പ് ടാക്കീസ് റോഡിലെ ഷാഹുൽ ഹമീദിനെ (34)യാണ് മയ്യിൽ എസ്.ഐ.പ്രദീഷ്കുമാറും സംഘവും പിടികൂടിയത്.സംഭവത്തിന് ശേഷം ഒളിവിൽ പോയ പ്രതിയെ വയനാട്ടിലെ മേപ്പാടിയിൽ വെച്ചാണ് പോലീസ് സംഘം പിടികൂടിയത്.ഇക്കഴിഞ്ഞ ജനുവരി 16ന് പുലർച്ചെയാണ്
ഇരുവിഭാഗം യുവാക്കൾ തമ്മിൽ സംഘർഷമുണ്ടായത്. കേസിൽ ഉൾപ്പെട്ട പ്രതികളിൽ പലരേയുംവധശ്രമ കേസിൽ ഇതിനകം പോലീസ് അറസ്റ്റു ചെയ്തിരുന്നുവെങ്കിലും പ്രധാന പ്രതിയായ ഇയാൾ നാട്ടിൽ നിന്ന് മുങ്ങി പല സ്ഥലങ്ങളിലായി ഒളിവിൽകഴിയുന്നതിനിടെയാണ് ഇന്നലെ രാത്രിയോടെ വയനാട്ടിൽ വെച്ച് പിടിയിലായത്. അറസ്റ്റിലായ പ്രതിയെ കോടതിയിൽ ഹാജരാക്കും.

Share This Article
error: Content is protected !!