വളപട്ടണം പ്രഭാകർ ദാസ് വധം: പ്രതികൾ കുറ്റക്കാർ, ശിക്ഷ ഇന്ന്

kpaonlinenews

കണ്ണൂർ: വളപട്ടണം പോലീസ് സ്റ്റേഷൻ പരിധിയിലെ ഗ്രീൻ വുഡ് പ്ലൈവുഡ് ഫാക്ടറി ഉടമ ഒഡീഷ സ്വദേശി പ്രഭാകർ ദാസിനെ ഭാര്യയുടേയും മക്കളുടേയും മുന്നിൽവച്ച് വെട്ടിക്കൊലപ്പെടുത്തുകയും വീട് കൊള്ളയടിക്കുകയും ചെയ്ത കേസിൽ നാലു പ്രതികളും കുറ്റക്കാരാണെന്ന് തലശേരി അഡീഷണൽ ജില്ലാ സെഷൻസ് കോടതി കണ്ടെത്തി. പ്രതികൾക്കുള്ള ശിക്ഷ ഇന്ന് ജഡ്ജ് എ.വി മൃദുല വിധിക്കും. ഒഡീഷ സാന്ത വില്ലേജിലെ ഗണേഷ്‌നായിക്ക് (25), റിങ്കു തൂഫാൻ( 21 ), ബപ്പുണ്ണ എന്ന രാജേഷ് ബഹ്റ (18), ചിഞ്ചു എന്ന പ്രസാന്ത് സേട്ട് (23) എന്നിവരയൊണ് കോടതി വിവിധ വകുപ്പുകൾ പ്രകാരം കുറ്റക്കാരാണെന്ന് കണ്ടെത്തിയത്. കേസിൽ ആകെ അഞ്ച് പ്രതികളാണുള്ളതെങ്കിലും അഞ്ചാമനെ കണ്ടെത്താനായിട്ടില്ല.

2018 മേ​യ് 19ന് ​രാ​ത്രി 11നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. പ​തി​നൊ​ന്നും മൂ​ന്നും വ​യ​സു​ള്ള ര​ണ്ട് മ​ക്ക​ളു​ടേ​യും ഭാ​ര്യ​യു​ടേ​യും മു​ന്നി​ൽ വ​ച്ചാ​യി​രു​ന്നു കൊ​ല​പാ​ത​കം. പ്ര​ഭാ​ക​ർ ദാ​സി​ന്‍റെ ഭാ​ര്യ ര​ശ്മി​ത ദാ​സ്, മ​ക​ൾ ല​ക്ഷ്മി​പ്രി​യ ദാ​സ്, ഫോ​റ​ൻ​സി​ക് സ​ർ​ജ​ൻ ഡോ. ​ഗോ​പാ​ല​കൃ​ഷ്ണ​പ്പി​ള്ള ഉ​ൾ​പ്പെ​ടെ നാ​ല് ഡോ​ക്ട​ർ​മാ​ർ, എ​യ​ർ​ടെ​ൽ, ജി​യോ എ​ന്നീ ക​മ്പ​നി​ക​ളു​ടെ നോ​ഡ​ൽ ഓ​ഫീ​സ​ർ​മാ​ർ, പ്ര​തി​ക​ൾ ക​ത്തി​ക​ൾ വാ​ങ്ങി​യ ക​ട​ക്കാ​ര​ൻ, പ്ര​തി​ക​ളു​ടെ തി​രി​ച്ച​റി​യ​ൽ പ​രേ​ഡ് ന​ട​ത്തി​യ അ​ന്ന​ത്തെ ക​ണ്ണൂ​ർ ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് എ​ന്നി​വ​രു​ൾ​പ്പെ​ടെ 40 സാ​ക്ഷി​ക​ളെ​യാ​ണ് കോ​ട​തി വി​സ്ത​രി​ച്ച​ത്. കൊ​ല‍​യ്ക്കു​പ​യോ​ഗി​ച്ച മൂ​ന്ന ക​ത്തി​ക​ൾ, മൊ​ബൈ​ൽ ഫോ​ണു​ക​ൾ, പ്ര​തി​ക​ൾ വീ​ട്ടി​ൽ നി​ന്നും കൊ​ള​ള​യ​ടി​ച്ച സ്വ​ർ​ണ​ഭ​ര​ണ​ങ്ങ​ൾ ഉ​ൾ​പ്പെ​ടെ 57 തൊ​ണ്ടി മു​ത​ലു​ക​ളും 103 രേ​ഖ​ക​ളും പ്രോ​സി​ക്യൂ​ഷ​ൻ കോ​ട​തി​യി​ൽ ഹാ​ജ​രാ​ക്കി​യി​രു​ന്നു.

എ​ഫ് ഐ​ആ​ർ ര​ജി​സ്റ്റ​ർ ചെ​യ്ത​ത് ഇ​പ്പോ​ഴ​ത്തെ വ​ട​ക​ര റൂ​റ​ൽ എ​സ്പി ഡോ. ​അ​ര​വി​ന്ദ് സു​കു​മാ​ർ ആ​യി​രു​ന്നു. അ​ന്ന​ത്തെ സി ​ഐ ആ​യി​രു​ന്ന എം. ​കൃ​ഷ്ണ​നാ​ണ് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​നു​വേ​ണ്ടി ഡി​സ്ട്രി​ക്ട് ഗ​വ. പ്ലീ​ഡ​ർ കെ. ​അ​ജി​ത്ത്, അ​ഡ്വ. പി. ​അ​ഞ്ജ​ന എ​ന്നി​വ​രാ​ണ് ഹാ​ജ​രാ​യ​ത്.

Share This Article
error: Content is protected !!